सासरी जाणाऱ्या आपल्या मुलीला आई ने दिलेला कानमंत्र...
असा कानमंत्र प्रत्येक आईने आपल्या मुलीला द्यावा....हीच बदलत्या काळाची गरज आहे....
☆☆आई झाल्यावर , मुली तुला आईपणाचे भान येऊ दे एकत्रित कुटुंबाचे संस्कार तुझ्या बाळांच्या मनावर होऊ दे.
☆☆मतलबी जाळ्यात नवरा फसवून अलिप्त संसार थाटू नको स्वार्थाच्या हेकेखोर शस्त्राने सासरच्या नात्यास छाटू नको.
☆☆सासूशी उडणाऱ्या खटक्यात बाळांना उगीच ओढू नको आजी नातवाच्या नात्यावर त्याचा राग काढू नको.
☆☆सासऱ्याच्या म्हातारपणावर रागेवैतागे घसरू नको नव्या-जुन्या पिढीमधील दुवा तुच आहे , विसरू नको.
☆☆अगदी सख्या भावासारखं दिराबरोबर तुझं भांडण होईल पण तुझ्या लाडक्याना खेळणीही तोच काका घेऊन येईल.
☆☆लहान असो नाहीतर मोठी नणंद तर चेष्टेने त्रास देणारच मांडीवर घेत तुझ्या पिलांना चिऊ काऊचा घास भरवणारच.
☆☆तुझं-माझं भेदभावनेने जावेच्या पोरांचा द्वेष करू नको वेळ प्रसंगी तीच्या लाडक्यांना दोन घास जास्त देण्यास मागे सरू नको.
☆☆घरातल्या क्षुल्लक कुरबुरिंना
द्वेषपुर्ण उत्तर देऊन काय करशील ?
अग, जशास तसे उत्तर देऊन एक दिवस घराचे घरपण मारशील.
☆नातेवाईकाना धरुन राहिली तर
सर्वांच्या मनात घर करुन रहाशील
तुझ्या पाखरांची उंच भरारी तू सर्वाबरोबर आनंदात पहाशील.
☆☆शेवटी जोडण्याचे संस्कार केले तर
मुलांच्या मनाचे तुकडे होणार नाहीत
आणि तुझ्या म्हातारपणाचे दिवसही
वृध्दश्रमात कधीच जाणार नाहीत.....
{{सर्व आई ,ताई मैत्रिणींना आणि सर्व महिलांना समर्पित .....}}
No comments:
Post a Comment